深宵食堂 (Closed)

今晚同朋友興起想食串燒，咁就Openrice下睇下銅鑼灣邊度有串燒食，搵到呢間深宵食堂。每人叫左杯野飲，因為驚食串燒好口渴嘛。凍利賓納-味道唔算太濃，比想像中易入口，始終平時茶餐廳飲開個D多數好甜。凍菊花茶-估唔到有菊花茶叫，好少餐廳會有，飲得出少甜同埋好清新，唔似用紙包飲品倒出黎。雞軟骨串-燒得唔算乾，好有咬口，仲要有少少咸妹香口！豚肉蘆筍卷-豚肉唔會好Un,好夠肉汁，調味唔錯。芝士蝦球同芝麻雞翼芝士蝦球入面有芝士絲仲可以拉絲，點埋沙律醬。芝麻雞翼-上面舖左唔少芝麻，新鮮炸到好脆，食落去唔油。燒雞骨腸-上面有honey mustard醬，好野味。腸皮脆卜卜，入面香噴噴，最特別入面有條骨入面，好方便揸住黎食。冬菇-唔會燒到好乾，算係幾juicy。菇上面既木魚絲同冬菇好夾。豬軟骨自家制烏冬-烏冬好彈牙，豬軟骨好淋好入味，湯底似無咩點落味精。