堅信號上海生煎皇 (愛定商場(H.A.N.D.S) A區) (Closed)

好鍾意食生煎包，所以都去過唔少堅信號上海生煎皇的分店，而愛定商場呢間就第一次幫襯，可惜食物只算得上中規中矩。呢日叫左個套餐，分別有生煎包兩個、胡麻醬三色冷麵同紅油伴水餃。平時其他分店食生煎包都好熱辣辣，外皮脆脆地，咁先食到生煎包的精髓。但今次生煎包上檯後，發現佢只係暖暖地，唔夠熱，有點失望。之後個紅油伴水餃都有類似情況，而且隻餃水份太多，結果咬落太林，影響口感。相反，應該是冷的冷麵，就未夠冷，又係暖暖地，食落有點奇怪。