價錢係置地廣場嚟講算合理
不過係美心集團😅😅😅
🍜 千層豬扒擔擔拉麵 $92
千場豬扒睇落一層層咁幾得意，不過食就有啲乾身🤨
同埋浸落個湯度淋左ಠ_ಠ
擔擔面偏向川菜辣味重少少，唔係花生醬嗰款🥺
麵就唔係上海麵，而係有d似直身拉麵咁
雖然話係招牌菜，但就一般般😬
🍜 鰻魚蛋炒飯 $93
炒得粒粒分明，味道唔錯
份量都足夠，鰻魚切粒炒落去，不錯👍🏽
🍜 豚肉小籠包（4件）$66
賣相非常唔錯，有返咁上下size🤩
個餡嘅豬肉偏肥，不過都feel到入邊好多湯
唔知係咪太多湯嘅關係，四粒夾起都穿咗😭😭
不過本人鍾意食傳統豬肉餡個款小籠包多d😗
🍜 豚肉燒賣(2件）$52
豚肉餡同小籠包一樣，只不過係冇小籠包咁Juicy
食落都係比較肥身嘅豬肉，一般般(´･_･`)
🍜 花生黑芝麻驢打滾 $68
呢個甜品係必叫！係升級版嘅糖不甩😆好正
除咗表面可以點砂糖，入邊已經包咗啲配料
煙煙韌韌，砂糖、花生同芝麻份量啱啱好🥰
唔會太甜！佢仲有綠茶紅豆味揀，好想試埋但個胃唔夠大ಥ_ಥ
🍜 烏龍茶 $8
正正常常無甜既烏龍茶
食完啲肥膩嘅豚肉好適合飲🍵
