一上到頂樓，嘩嘩嘩，想像唔到原來山林道都有個咁靚的景，一望無際，還可以上天台， 一覽無遺開揚的景色。
店員熱心送上餐前桂花酸梅湯，酸酸甜甜好開胃
餐牌有驚喜，有中國風味的雞尾酒及小吃。
秋月牌夢幻豉香dip
好有趣的造型，還用上原裝罐頭。鹹鹹香香的 鷹嘴豆及豆豉鯪魚醬，配上可補充的餅乾，原來豆豉鯪魚配酒係咁夾又無違和感。
單叢鳳影
打開蓋便聞到濃烈的煙燻香味。以潮州單從烏龍茶為基底，加上威士忌的甘味，青瓜檸檬汁的清新香味，可以一直飲落去。
柚香椒龍
花椒圍邊，柚子汁為基底配上龍舌蘭酒，清香 易入口，但酒精成分都頗高。
百花釀蟹鉗
手打蟹肉到起膠，真材實料，肉質彈牙，配上蕎頭辣醬，好惹味。
東北黑椒牛肉燒賣
原來是菇味的糯米飯。飯粒軟糯， 配上黑椒 香菇， 絕對可媲美酒樓質素
南乳雞翼
炸到外脆肉嫩，有淡淡南乳香味，配上自家製辣醬， 舌尖上的衝擊。
