食美軒 (Closed)

同朋友經過何文田勝利道，剛好肚餓想搵間餐廳醫肚，轉角位見到呢間樓上中菜館，即管去試下。餐廳環境好舒適，我地揀左任食火鍋。每位$298，首先可選兩款相拼湯底：椰子雞湯同酸菜魚湯底。可以一次過試齊兩款口味👍🏻接著會有牛肉、豚肉羊肉拼盤，我地最喜愛食牛，佢首先會送尼幾款牛肉：M4和牛牛肩胛、美國Prime牛板腱、美國Prime封門柳、美國安格斯肥牛同牛舌。M4和牛牛肩胛超好食，好有牛味、有咬口但唔會韌，食左幾盤☺️侍應遞上一碟鮮雞件，成半隻咁多！有鮮味，新鮮的，岩哂我鐘意食雞！再來就係送尼拼盤：有廣島蠔，超大隻既，而且好鮮味必定encore的。另有鯇魚片、羅白、准山、餃子。餐廳配搭既拼盤材料同湯底好夾，我見湯底係酸菜湯，不停落鯇魚片落去食，自製酸菜魚正！差唔多飽喇，出面bar仲有涼菜小食同無限量供應既雪條、雪糕，作為飯後甜品，滿足！特別一提，呢間餐廳侍應服務態度不錯，閒時仲會同食客傾兩句，整體都係一間有人情味既餐館，食飯過程都好舒服！