父親叫咗個蒜蓉汁煎牛扒配薯條 (餐牌只係話配飯或意粉, 但問過老細佢話配薯條都可以), 我就叫咗個黑椒汁紐西蘭羊架配意粉. 因今日特別多人, 所以等咗十分鐘先嚟, 先到嘅係牛扒, 因配薯條, 所以蒜蓉汁另上 (廚師都幾有心思), 牛扒煎得剛剛好, 大概八至九成熟, 完全冇揸👍👍👍(因父啲假牙都食到😀😀), 薯條係即炸嘅非常鬆脆, 以$58嘅價錢, 非常超值.
跟住我嘅黑椒汁煎羊架上枱, 羊架好有鮮味, 以$60嘅價錢, 都算係ok. 其實最主要想試吓佢哋嘅意粉, 因為如果識煮西餐嘅廚師, 煮出嚟嘅意粉應該係軟硬適中. 而呢啲意粉就可以達到呢一個要求.
估唔到喺中菜廳裏面都可以食到有水準嘅西餐, 大家想試嚇平民化嘅西餐, 不妨嚟呢間餐廳試一試. 因為就算朋友唔鍾意食西餐, 呢度嘅中菜都好有水準👍👍👍👍.
