Video
Read full review
2007-08-31
17 views
唔明呢間食肆,元朗咁多年,成條街俾佢霸佔哂擺檔,晚晚好似延開幾十席咁,咁好生意咁多客,竟然都冇一個人寫食評?!反而將軍澳新張分店,都有人張貼食評喎!呢間食店元朗開廿年多,最早期係做粥品為主,果時仲未有擺哂成條街。之後越做越好生意,成條街都俾佢擺哂咁滯,好似正牌擺檔咁,而且成日見食環署職員,及警務人員,走去同佢講陣間洗太平地,預早通知佢,陣間有人票控【擴充營業】,就可想而知佢江湖地位幾重,好多公職人員都會幫襯佢,就好似【佳記甜品】咁,唔食過返【夜味】都唔安樂...嘻嘻!火鍋及小菜最多人食,最巔峰時真係成條街擺滿,連一附近一帶居民出入大廈,都寸步難行咁犀利,又唔使交租唔使交稅。肯定好過大酒樓大食肆,使咁多錢裝修,又要依足政府各部門法例經營,都咪話唔肥過肥仔水。呢間食店早餐、午市、晚市及宵夜都做埋,基本上除凌晨休市幾個鐘,其餘時間都係持續經營。同埋單車外賣隊,陣容鼎盛人強馬壯,由早上06:30~17:30,都有外賣服務。無論中西早餐及車仔麵都有,不過送外賣人士,好多時都好老馮咁,詐傻扮懵唔找番錢,所以叫外賣時,最好預定散紙先好。仲有,就係外賣有時好耐先送到,就算係非繁忙時間,最快半個鐘先送到
呢間食店元朗開廿年多,最早期係做粥品為主,果時仲未有擺哂成條街。之後越做越好生意,成條街都俾佢擺哂咁滯,好似正牌擺檔咁,而且成日見食環署職員,及警務人員,走去同佢講陣間洗太平地,預早通知佢,陣間有人票控【擴充營業】,就可想而知佢江湖地位幾重,好多公職人員都會幫襯佢,就好似【佳記甜品】咁,唔食過返【夜味】都唔安樂...嘻嘻!
火鍋及小菜最多人食,最巔峰時真係成條街擺滿,連一附近一帶居民出入大廈,都寸步難行咁犀利,又唔使交租唔使交稅。肯定好過大酒樓大食肆,使咁多錢裝修,又要依足政府各部門法例經營,都咪話唔肥過肥仔水。
呢間食店早餐、午市、晚市及宵夜都做埋,基本上除凌晨休市幾個鐘,其餘時間都係持續經營。同埋單車外賣隊,陣容鼎盛人強馬壯,由早上06:30~17:30,都有外賣服務。無論中西早餐及車仔麵都有,不過送外賣人士,好多時都好老馮咁,詐傻扮懵唔找番錢,所以叫外賣時,最好預定散紙先好。仲有,就係外賣有時好耐先送到,就算係非繁忙時間,最快半個鐘先送到都有。好多時我一過半個鐘,我就打去問一問,如果佢坦白話仲未送,我就叫佢唔駛送啦,同我取消佢啦!我就寧願出街食。
呢間食肆本身係經營粥品起家,但可以講佢粥品係最難食,反而係即蒸腸粉,炒麵及油器較好囉!粥又唔棉又唔鮮,味精又放得勁多,超難食!
中式小菜我覺得幾好,鑊氣ok但夠大碟,同埋幾惹味賣相都幾好,好多時食唔哂打包返屋企,又可以當一餐咯!火鍋都係一般貨色,叫做唔好唔差囉!至於碟頭炒粉麵飯,就真係一般過一般,茨汁勁多唔多健康,不過價錢平廿零蚊,有湯有特飲跟唔使另加錢。大致全部食物價錢ok,食物質素普普通通,食街頭風咪可以一試。
人多多諗住易搵位,又唔介意坐街邊大排檔,及條街污漕邋遢,呢度都係一個唔錯選擇,但要預因為呢度成日發出嘈音,樓主不時有高空擲物狂出現,仲試過上一年,有人跳樓落添,都咪話唔得人驚!
Post