Breakfast Supreme真係豐富到嚇親人！兩塊 Pancake厚身鬆軟，淋上蜜糖，甜度剛好，咬落去仲有微微蛋香。煙肉煎得香脆唔油膩，炒蛋滑溜得嚟帶啲奶香，正！最驚喜係嗰塊薯仔脆薄餅，將薯仔切絲再煎到金黃香脆，外脆內軟，仲有少少焦香，好食到停唔到口！
另外點咗個 Garlic Chilli Chicken pasta，蒜香超濃郁，辣度溫和，雞肉嫩滑，意粉掛汁能力一流，每啖都充滿滋味，鍾意重口味嘅朋友必試！
食完主菜，當然要試吓佢哋嘅招牌曲奇！ Chocolate Chip經典之選，外脆內軟，朱古力粒粒爆漿，甜而不膩。特別推介 杜拜開心果曲奇，開心果味都幾濃！另外，佢哋嘅蛋撻比平時見嘅大個，撻皮酥脆，蛋餡香滑，蛋香十足，熱辣辣食真係無得輸！
飲品方面， ICE LANDIC DRINKS-Sunrise Mango片好清新，芒果味香甜，帶微微酸味，好解膩。Iced Americano偏nutty，咖啡香濃得嚟帶少少堅果香氣，飲完精神晒！
1
