喜多嬉牡蠣屋 (Closed)

舊曆生日緊係食好啲啦,朋友介紹中環區既生蠔串燒放題，啱晒去慶祝啦！,餐廳環境優雅,座位寬闊。時令海鮮湯:以茶壺上嘅海鮮內有蝦同蜆，湯味道清甜！喜多嬉時令懷石八品:擺盤靚又有誠意嘅懷石八品，順序由淡至濃去食,包括有梅子漬車厘茄、醋漬青瓜伴蟹肉絲、 時令刺身三點、燒白鰻、大根煮手打雞肉串、明太子起司薯蓉、吞拿魚蓉伴牛油果醬同龍蝦羊羹，美味又精緻。生蠔:六種口味,生蠔有原味、蔥花、昆布漬、雞尾酒汁、柚子啫哩、辣椒蘿蔔容。原味鮮甜,仲好新鮮，色澤又靚，仲有淡淡海水味。而焗蠔有麻辣、 芝士、冬陰功、清酒、蒜蓉、辣蒜蓉,每款味道 都不錯,而冬陰功就係我最愛啦！另外串燒、小食款式都多,串燒都燒得唔錯,而且唔係每款都係醬汁味,而我最鍾意羊肉串，雞腎同埋雞泡魚乾。牡蠣手廷烏冬、茶漬飯:份量細細碗、唔洗食到太飽，而且湯底都有蠔仔，味道鮮甜。甜品:朱古力蛋糕，又香又軟嘅朱古力蛋糕，連唔鍾意食蛋糕嘅我都食到停唔到口。另外餐廳待應服務態度係難得嘅殷勤！讚！