📍中環士丹利街34-38號金禾大廈1樓
⭐️前菜
1.七味蒜炒雞腳筋🐔
佢嘅味道有少少似食雞軟骨，咬落去好爽口，味道就辣辣地，好惹味。
2.醬燒枝豆🌱
醬油味代替左平時食開嘅鹽味，枝豆好新鮮，好爽甜，真係食咗佢唔到口。
3.鱈魚白子🐟
鱈魚口感好嫩，入口即溶，加埋廚師嘅秘製醬油，中和左白子嘅肥膩感，十分用心。
⭐️吸物
4.雞白湯清洒煮蜆🐚
雞白湯味道好出，好香雞湯味，加埋啲蜆隻隻都脹卜卜，真係又吸精又暖胃。
⭐️刺身
5.銀鱈魚🐟
第一次食銀鱈魚刺身，師傅將銀鱈魚燒過，好香油脂，食落去油脂四濺，真係好吸引。
6.帶子🐚
帶子好新鮮，中間夾住一舊檸檬，檸檬帶出帶子嘅鮮甜，配搭得好好。
7.牡丹蝦🦐
牡丹蝦好大隻，咬落去爽爽地，都好鮮甜，切勿錯過。
8.油甘魚🐟
油甘魚好新鮮，食落去肉質鮮嫩，有淡淡既魚油香同柑香，滋味無窮。
⭐️燒物
9.濱燒岩蠔佐白素麵🦪
燒過既熟蠔，肉厚飽滿，有大海既味道，淡淡既白素麵吸收左蠔既香味，真係令人想食多個。
⭐️炸物
10.櫻花蝦炸豆腐🦐
櫻花蝦被炸到金黃色，咬落去外脆內軟，鹹中帶甜，好唔錯。
⭐️碗物
11.雞白湯丸子🐔
雞湯鮮味好出，有濃濃雞湯味，丸子味道不算太濃，咬落去有少少爽口既雞軟骨，口感好唔錯。底部仲有娃娃菜，吸收哂湯嘅精華，真係必試既菜式。
⭐️食事
12.真鯛五目什炊鍋飯🐟
真鯛既魚味好鮮甜，上面仲要配埋我最喜愛嘅香蔥，已經覺得好吸引。飯裏面夾雜着枝豆同紅蘿蔔，用秘製醬汁炒過，好吸引。食到最尾仲有飯焦，口感豐富。
⭐️甜品
13.威士忌黑糖菠蘿🍍
燒菠蘿咬落去好多汁，外表仲有一浸淡淡的威士忌味道，加埋黑糖嘅甜味，真係好出色。
⭐️卷物
14. 海膽蟹籽三文魚籽吞拿魚蓉卷物🐟
上面放上鮮甜嘅海膽，配上好像不用成本嘅蟹籽三文魚籽，同埋好似山泥傾瀉既吞拿魚蓉，真係不容錯過。
⭐️串燒
15.燒牛舌芯🐮
牛舌芯好厚肉，口感軟嫩，油脂適中，加埋少少鹽，真係好香口。
16.燒白鱔🐟
白鱔落去爽口彈牙，好香魚嘅味道，有少少油脂，鍾意食白鱔嘅你哋不能錯過。
17.燒日本豚五花腩🥓
五花腩油脂分佈得好好，咬落去好嫩，一啲都唔柴，加上少少鹽調味，十分吸引。
18.燒杏鮑菇🍄
廚師用刀好細心喺表面切出格仔紋，令到燒汁更加吸收入杏鮑菇裏面，質感彈牙，好出色。
19.燒秋葵🌱
秋葵本來就係我嘅最愛，不用太花巧，燒完之後灑上少少鹽，完全合我心意。
⭐️飲料
14.白桃梳打水🍹
梳打汽水有淡淡的白桃味，杯底有漸變既黃色，完全滿足左我嘅少女心。
環境：💛💛💛💛💛5/5
衛生：💛💛💛💛💛5/5
食物：💛💛💛💛💛5/5
P.S. 環境佈置都充滿日本嘅居酒屋氣息，彷彿好似真係置身於日本一樣。服務員招待得好好，都好有耐性同禮貌，食物質素都好唔錯，十分推薦。
