Video
Read full review
2010-02-21
24 views
中環食飯一向唔平, 聽細妹講裘威靈頓街有間樓上日式放題, 食物出得快, 新鮮, 2個半鐘任食任飲都只係 $138, 講得咁動聽, 就一家人一齊去驗証一番........星期六 12:30pm 去到, 原來間店好細, 要穿過窄窄既走廊(右邊就係廚房師傅切緊刺身), 枱大約得十張, 跟住當然係把握時間, 以最快速度剔左刺身先, 但真係唔夠 3分鐘, 一碟靚靚刺身到手. 刺身新鮮, 無雪到硬崩崩, 連有海鮮敏感既家人都照食.天婦羅炸得好酥脆, 尤其是天婦羅蝦, 係用新鮮虎蝦炸, 真係無將價就貨味噌牛肉鍋好熱辣辣, 好香牛肉味, 鍋底香濃, 冬天食陪覺幸福溫暖.鹽燒秋刀魚好新鮮, 足足有一呎長, 肥美香滑, 回本必食.鐵板雪花牛柳粒多汁唔乾, 無根又腍又有肉味, 我地不斷 Encore!日式蟹皇翅每碗得 2 條素翅, 唔好食, 可以不理. 其他帶子串燒, 鮮冬菇串燒, 牛柳串燒都好好, 唔好錯過!最 Suprice 既係, 食食下突然全店熄燈黑晒, 跟住聽到播放生日歌, 原來隔離枱有客生日, 見侍應拎住一盤有火既物體, 好似蓮花咁既, 放響客人面前時, 朵花會自己打開, 見到都開心, 底層係刺
星期六 12:30pm 去到, 原來間店好細, 要穿過窄窄既走廊(右邊就係廚房師傅切緊刺身), 枱大約得十張, 跟住當然係把握時間, 以最快速度剔左刺身先, 但真係唔夠 3分鐘, 一碟靚靚刺身到手. 刺身新鮮, 無雪到硬崩崩, 連有海鮮敏感既家人都照食.
天婦羅炸得好酥脆, 尤其是天婦羅蝦, 係用新鮮虎蝦炸, 真係無將價就貨
味噌牛肉鍋好熱辣辣, 好香牛肉味, 鍋底香濃, 冬天食陪覺幸福溫暖.
鹽燒秋刀魚好新鮮, 足足有一呎長, 肥美香滑, 回本必食.
鐵板雪花牛柳粒多汁唔乾, 無根又腍又有肉味, 我地不斷 Encore!
日式蟹皇翅每碗得 2 條素翅, 唔好食, 可以不理.
其他帶子串燒, 鮮冬菇串燒, 牛柳串燒都好好, 唔好錯過!
最 Suprice 既係, 食食下突然全店熄燈黑晒, 跟住聽到播放生日歌, 原來隔離枱有客生日, 見侍應拎住一盤有火既物體, 好似蓮花咁既, 放響客人面前時, 朵花會自己打開, 見到都開心, 底層係刺身飯, 侍應哥哥話預早 order 就得架啦喎! 咁有動感既生日旦糕, 男仔女仔見到都開心晒啦!
$138 食足 2.5 個鐘, 仲要不斷叫汽水飲, 真係好有滿足感, 侍應多為年輕人, 態度熱誠有活力, 好鍾意同客人講笑, 最後埋單時仲每位有一粒雪米糍送, 再挑剔既客人都笑住走啦!
Post
