Video
Read full review
2022-09-15
43 views
今日嚟到中環，朋友話好想食越南嘢，見到呢間越南嘢好平好多，位置都好隱蔽喺住宅入邊，咁就一於試一試！見到佢越南菜式精緻得來都比較高級，同平時食越南粉好唔同㗎，今日嚟到梗係唔食啲普通嘢食啲創意有特色㗎啦！🍤越式炸蝦餅 $90 (7.8/10)炸到非常香脆，唔油膩，蝦肉都彈牙，有蝦味，個汁好酸好開胃！蘿蔔清爽爽口，唔爽！🍴越式米紙薄餅 牛脷牛腩 $88 (10/10)配料有青蔥，紅洋蔥，莫薩里拉芝士，炸乾蔥，芫茜，金不換。要左順化醬，係越式落茄醬，沙律醬，蛋。個皮好薄好香脆，少少煙韌，牛脷牛腩好香牛味，唔會鞋口，個汁酸酸甜甜好開胃，有芝士同九層塔好香好有層次，呢個越式Pizza好好食，真心有創意，好正！🍴炒蝦河 $148 (8/10)用自家制龍蝦湯做上湯，河粉好煙靭比較軟同濕，鹹鹹地，有好香濃嘅九層塔味，都炒得幾香口，入面有雞髀菇蝦肉，蝦有蝦膏蝦肉都唔會太淋，幾好食！🍹越南經典水果茶 $48 (9/10)入邊有西柚青檸，大樹菠蘿同埋荔枝，全部都好香甜新鮮生果好好味，個底用咗抹香綠茶，好清香又有茶味！一啲都唔會苦澀，香得來清新又唔會太甜！☕️蜂蜜椰子牛奶越南咖啡 $48 (10/10)熱咖啡慢
🍤越式炸蝦餅 $90 (7.8/10)
炸到非常香脆，唔油膩，蝦肉都彈牙，有蝦味，個汁好酸好開胃！蘿蔔清爽爽口，唔爽！
🍴越式米紙薄餅 牛脷牛腩 $88 (10/10)
配料有青蔥，紅洋蔥，莫薩里拉芝士，炸乾蔥，芫茜，金不換。要左順化醬，係越式落茄醬，沙律醬，蛋。個皮好薄好香脆，少少煙韌，牛脷牛腩好香牛味，唔會鞋口，個汁酸酸甜甜好開胃，有芝士同九層塔好香好有層次，呢個越式Pizza好好食，真心有創意，好正！
🍴炒蝦河 $148 (8/10)
用自家制龍蝦湯做上湯，河粉好煙靭比較軟同濕，鹹鹹地，有好香濃嘅九層塔味，都炒得幾香口，入面有雞髀菇蝦肉，蝦有蝦膏蝦肉都唔會太淋，幾好食！
🍹越南經典水果茶 $48 (9/10)
入邊有西柚青檸，大樹菠蘿同埋荔枝，全部都好香甜新鮮生果好好味，個底用咗抹香綠茶，好清香又有茶味！一啲都唔會苦澀，香得來清新又唔會太甜！
☕️蜂蜜椰子牛奶越南咖啡 $48 (10/10)
熱咖啡慢慢滴落嚟，個底有蜂蜜撈埋啲齋啡，已經幾香甜，再加入椰子奶蓋，咖啡味香又唔會苦，帶有淡淡的椰香味道，勁驚喜超好飲！大推！真心係飲過最好飲嘅越南咖啡😆
推薦指數:9/10
真心好食又唔算好貴，坐得舒服環境都闊落！好食過銅鑼灣打卡果一間🫢想食高級好食又精緻嘅越南菜真係推薦呢一間！
Post
