真係一間隱世嘅餐廳🫥 搵左一陣先搵到個大廈入口
.
〰️火燒牛腩撈檬 $78 (未計加一)
見到佢寫住係廚師推介就叫左黎試下😗
落單嘅時候 職員都會問要唔要走青同走花生
不過我為求原汁原味 梗係全部都要啦🤪
一開頭以為啲牛腩係一舊舊嘅
但點知原來係一片片嘅 相對就無咁啖啖肉
整體我覺得檬粉份量都正常 啲配料都比得好充足
加埋啲汁撈勻嚟食 每一啖都有酸酸甜甜嘅味道 好開胃🤤
牛腩雖然切到一片片 但都算腍身
以呢個價錢喺中環嚟講算幾ok
.
唯一嘅少少扣分位係：
我坐嘅位置頭頂有大風扇 啲嘢食好快就凍晒🥲
.
以七十幾蚊嘅lunch嚟計
呢度環境ok、上菜都算快、味道都合格
下次再黎就會試下佢地嘅生牛肉湯河🤔🤤
