Video
Read full review
2025-07-31
158 views
今次黎到呢間位於中環萬年大廈既AOAO，餐廳係14樓高，觀景幾唔錯，餐廳裝修都好正，時尚又典雅，重點係呢間餐廳超好氣氛，見到有人生日，全場職員都會一齊唱生日歌，載歌載舞，真係好有驚喜。-前菜首先食左Akagai，呢道菜係北寄貝配蘆荀，北寄貝非常爽口，亦都好新鮮鮮甜，配埋清爽既蘆荀，口感相當有層次。另外仲有Celtuce Salad，係檸檬配萵筍絲蘿蔔蓉，唔好睇佢細細碟，份量都幾多下，萵筍絲非常爽口，配上浸左檸檬汁既蘿蔔蓉一齊食，酸酸甜甜好開胃。-跟住係Caramelised Pumpkin焦糖拔絲南瓜，個南瓜整得好好食，焦糖拔絲甜甜地又唔會好膩，焦糖外層香脆南瓜食落軟糯，咬落好有口感。-然之後就係我期待左好耐既Wagyu Katsu Sando A4和牛三文治同Charcoal Grilled Eel炭燒鰻魚。A4和牛三文治好好食，和牛超重牛味，肉質嫩滑，油脂感好豐富，簡直係入口即溶，配上烤得脆口既黑炭包，口感好有層次。而炭燒鰻魚更加有驚喜，店員會即場起我地面前用備長炭放上鰻魚度燒魚皮，真係炭香味十足，鰻魚肉質好鱗嫩好汁，真係超好食。-最後就係Mini Melon Daifuku蜜瓜大
-
前菜首先食左Akagai，呢道菜係北寄貝配蘆荀，北寄貝非常爽口，亦都好新鮮鮮甜，配埋清爽既蘆荀，口感相當有層次。另外仲有Celtuce Salad，係檸檬配萵筍絲蘿蔔蓉，唔好睇佢細細碟，份量都幾多下，萵筍絲非常爽口，配上浸左檸檬汁既蘿蔔蓉一齊食，酸酸甜甜好開胃。
-
跟住係Caramelised Pumpkin焦糖拔絲南瓜，個南瓜整得好好食，焦糖拔絲甜甜地又唔會好膩，焦糖外層香脆南瓜食落軟糯，咬落好有口感。
-
然之後就係我期待左好耐既Wagyu Katsu Sando A4和牛三文治同Charcoal Grilled Eel炭燒鰻魚。A4和牛三文治好好食，和牛超重牛味，肉質嫩滑，油脂感好豐富，簡直係入口即溶，配上烤得脆口既黑炭包，口感好有層次。而炭燒鰻魚更加有驚喜，店員會即場起我地面前用備長炭放上鰻魚度燒魚皮，真係炭香味十足，鰻魚肉質好鱗嫩好汁，真係超好食。
-
最後就係Mini Melon Daifuku蜜瓜大福同Matcha Cheesecake抹茶芝士蛋糕，蜜瓜大福入面係奶黃餡，甜甜地而且口感好軟糯。而抹茶芝士蛋糕都好唔錯，抹茶味濃郁，芝士蛋糕都好綿密細膩
-
Post
