時光逆流 (Closed)

🤍時光逆流🖤中環雲咸街41號文靜大廈地下低層📍今次去咗中環同朋友聚餐，見到呢間餐廳有兩層高，並用咗日式裝飾做主題，同附近嘅餐廳特別唔同，估唔到嘢食都幾驚喜！🍴香煎三文魚定食 $168三文魚扒煎得啱啱好又大塊！定食仲會有麻將烏冬、關東煮、醃菜同埋溫泉蛋，食完好飽肚！🍴煙三文魚bagel $68Light food叫咗個bagel，入面都有4大塊煙三文魚，再配上蛋黃醬、蕃茄同生菜。🍴玉子燒 $78 面頭加咗啲醃菜！食落幾特別，玉子入邊再加咗少少蔥會香口啲～🍴招牌薯條(蜜糖芥末醬) $68有松露、海鹽，紫菜同蜜糖芥末可以揀，我哋就揀咗蜜糖芥末醬，薯條熱辣辣啱啱炸好超脆口！每條薯條都有蜜糖芥末醬同埋胡椒超正😙🍴青海 $58🍴焦陽 $48叫咗2杯mocktail🥂青海係mix咗青蘋果同西柚，水果味會比較豐富，而焦陽就mix咗熱情果同焦糖燉蛋，好特別但係味道出奇地夾，會比較偏甜。