搵到呢間主打釜山鍋物同小菜為主既韓式居酒屋
店員大部分都係韓國人 成個 vibe 瞬間飛左轉釜山咁
睇menu樣樣野都想食 有選擇困難症
下次再yo一大班fd陪我再食過
🥘 海鮮湯 HKD588
一上枱好澎湃 成個海鮮火鍋咁大份
入面有鮑魚 扇貝 蝦 青口 花甲 魷魚等等
海鮮都係好新鮮 處理得好乾淨
韓國人食海鮮係會點Wasabi 海鮮味道會更加突出
愈煮得耐成個湯更加鮮甜 好好飲
🐷 韓式豬腳 HKD298
3-4人share都夠食 最後我要打包離場XD
豬腳厚切啖啖膠質感 皮香肉滑仲帶少少煙燻味
配生菜 蒜片 辣醬一齊包住食大滿足
🥞 泡菜芝士 & 海鮮雙味煎餅HKD188
呢個真心同我係韓國食既味道一模一樣😋
外脆內軟 咬落煙煙韌韌超正既口感
泡菜芝士煎餅酸酸辣辣夠惹味
海鮮味就啖啖都食到海鮮好足料
有得揀雙拼fit曬我呢個選擇困難症🤤
1
