Video
Read full review
2022-11-03
29 views
今日嚟到中環蘭桂坊，呢間樓上酒吧食嘢在家飲嘢，佢哋主打有得飲酒食正餐甜品，堪稱四合一酒吧真係無敵！佢哋嘅鯊魚做主題，有個大嘅魚缸，竟然真係三條鯊魚，好驚喜，出邊露台位就專門for影相好靚，真心環境好唔錯，唔會太嘈雜，可以慢慢飲酒傾偈，食物真係高質好食，服務都非常之好啊，店員好醒目，好有禮貌！🥂Random Champagne $160 GLS. (8/10) 另收加一香檳好易入口，酒味都幾香，唔會太濃，唔會太苦。🍴西伯利亞黑魚子配燻酸忌廉多士 $138 (8/10) 另收加一麵包焗得好香脆，係丹麥麵包，好鬆軟，幾香牛油味，都種上面係沙甸魚酸忌廉同埋魚子，配搭好豐富有層次，酸酸地嘅忌廉加鹹鹹地嘅魚再加魚子真係好鹹香，另一種係魚子，微微鹹香鮮味，味道比較淡，都唔錯！🍴香炸魷魚及小鯷魚配檸檬蛋黃醬 $138 (8/10) 另收加一炸得好香脆，有少少椒鹽嘅味道比較鹹香，嗰醬汁係偏酸嘅蛋黃醬，好解膩。個魚炸得幾香口，肉質比較緊實，魷魚彈牙有魷魚味，個底有啲紫菜可以吸油，送酒一流！🍴焗信州白麵史比目魚柳鵝肝酥 $248 (10/10) 另收加一醬汁得好香濃嘅龍蝦味，好似好多蝦膏喺入邊！個魚外皮煎到
🥂Random Champagne $160 GLS. (8/10) 另收加一
香檳好易入口，酒味都幾香，唔會太濃，唔會太苦。
🍴西伯利亞黑魚子配燻酸忌廉多士 $138 (8/10) 另收加一
麵包焗得好香脆，係丹麥麵包，好鬆軟，幾香牛油味，都種上面係沙甸魚酸忌廉同埋魚子，配搭好豐富有層次，酸酸地嘅忌廉加鹹鹹地嘅魚再加魚子真係好鹹香，另一種係魚子，微微鹹香鮮味，味道比較淡，都唔錯！
🍴香炸魷魚及小鯷魚配檸檬蛋黃醬 $138 (8/10) 另收加一
炸得好香脆，有少少椒鹽嘅味道比較鹹香，嗰醬汁係偏酸嘅蛋黃醬，好解膩。個魚炸得幾香口，肉質比較緊實，魷魚彈牙有魷魚味，個底有啲紫菜可以吸油，送酒一流！
🍴焗信州白麵史比目魚柳鵝肝酥 $248 (10/10) 另收加一
醬汁得好香濃嘅龍蝦味，好似好多蝦膏喺入邊！個魚外皮煎到好香脆，非常之嫩滑啊，好有魚味上面有Pat好香濃嘅鵝肝醬，食落去有鵝肝嘅香濃魚嘅清新，真係好好食！薯仔好淋好有薯味，蕃薯甜甜地加上辣椒辣辣地好香，同層次都好豐富！鵝肝醬嘅香濃到真係留喺個口入邊有餘韻！好正😆
🍴傳統西班牙烤乳豬，，慢煮蘋果蓉，些利酒烤豬汁 $268 (10/10) 另收加一
乳豬個皮都好香脆，咬落去充滿豐富油脂，好有油香！肉質好林好好嫩滑，有豬肉嘅香味，醬汁甜甜地有輕微嘅酒香，蘋果蓉打到好細滑，酸酸地非常之解膩，好高質好食！
🍨白朱古力咖啡奶凍配焦糖拖肥泡沫 $68 (10/10) 另收加一
奶凍好香滑，好重奶嘅香味，中間有層白朱古力香而不膩，甜甜地，上面嘅咖啡忌廉好香好濃咖啡香！上面仲有啲咖啡粉，好似食緊奶凍版嘅Tiramisu，層白朱古力提升甜品嘅層次！
🍴雜果沙律配蜜糖乳酪泡沫 $68 (8/10) 另收加一
打成泡沫嘅乳酪更加輕盈，食落口好似空氣咁，好易散開，味道酸酸地又帶有蜜糖嘅香甜，雜果有士多啤梨菠蘿藍莓燕麥，好清新解膩。
🍰巴斯克焦香芝士蛋糕 $68 (8.5/10) 另收加一
芝士蛋糕啱啱焗起，上枱仲係微溫，質感比較濕潤棉滑，好香濃嘅蛋香味，芝士呢就比較輕盈比較淡少少，都已經幾好食唔會太膩。
推薦指數: 9.5/10
真心冇試過酒吧嘢食都咁好食，有好多唔同類型嘅酒啊，任君選擇，咩都有，有真係好似出奇蛋咁滿足你所有願望😆小插曲叫咗兩個甜品，但先上錯咗之後即刻話唔好意思，再整個俾我哋，送錯嘅甜品就俾咗我哋食，個服務態度真係好好，好識做！大大力推薦！
Post
