🔥泰式生蝦：蒜頭、辣椒配自家製泰式生蝦青汁醬，個醬汁辣辣哋又帶少少酸，超級開胃，蝦肉爽口彈牙，正到爆！
🍢炭燒雞串沙爹：炭燒香味好出，雞肉嫩滑，點埋泰式秘製花生醬再加埋淹青瓜，口感豐富又解膩，一串真係唔夠喉～
🦐大頭蝦配秘製咖哩：大頭蝦超大隻又鮮甜，咖哩用咗香茅、泰芫茜同椰子醬煮，香濃又唔會太辣，撈飯食簡直一流！
🦀蟹肉炒飯：蟹肉份量唔吝嗇，加埋洋蔥同炸蒜一齊炒，飯粒乾身又夠鑊氣，香口得嚟唔油膩，係我食過數一數二好味嘅泰式炒飯！
🍨泰式街頭椰子雪糕：食完濃味嘢整返個雪糕就最完美～雪糕椰香味濃，加上粟米、椰子肉同花生，口感同味道都滿分，完美作結～
總括來說，呢間餐廳無論環境同食物質素都好高，絕對會再encore！👍
