Shahrazad Lebanese Dining Lounge & Bar

近排試左依間黎巴嫩餐廳🕌，裝修奢華，寶藍色嘅燈光神秘又夢幻，就好似入左個童話世界一樣⚱，好有異國風情。靠窗位置可以望到大館，原本逢星期四有肚皮舞表演💃，但由於疫情關係暫時取消。⁣⁣烤肉拼盤係餐廳嘅熱門菜式，食肉獸必點🍖🍗🥩! 食物用超浮誇金色炭爐上菜，賣相吸睛，岩哂用嚟打卡，不過炭爐就唔會發熱。 拼盤份量十足，有雞肉🐓、牛肉🐂、羊架🐐，仲有烤雜菜🥗 (紫洋蔥、紅椒、青椒)，鋪底嘅有蕃茄薄餅🍕，再跟配飯🍚或薯條🍟。雞肉嫩滑; 牛肉唔會烤得過乾; 羊架亦無羶味，烤肉有跟配兩款特別醬料🥣：蒜味沙律醬同埋芝麻醬。⁣⁣意粉🍝好香橄欖油同香蒜味，加入香草🌱等香料豐富左成個意粉嘅味道，大蝦🦐亦爽口彈牙。⁣⁣餃子🥟用自家麵糰而製，炸得金黃香脆，裏面包住幾種唔同嘅芝士🧀，混合薄荷葉☘等香料，芝士味道濃烈。⁣⁣以為黎巴嫩菜會落好多香料、好重口味，但依度嘅食物口味又唔算特別濃烈，可能為左迎合香港人口味而調整過。⁣⁣