中環皇后大道中93號中環街市地下G08號舖
早排小編食完晏晝同朋友👯♂️嚟到中環行街 經過發現咗呢一間原來都幾受歡迎嘅飲品店。店舖位於📍中環街市嘅地下，雖然冇好似大型連鎖飲品店室內嘅位置，但店外設有茶座🪑⛱️而且有大吊扇，坐喺度飲野都幾chill！
今次飲品我同朋友各自揀咗一杯嘢飲:
1. 紫香芋泥特調🟣⚪️（$44 - 700ml)
小編非常鍾意哩一類型嘅飲品。🧋柔和嘅紫白色睇起上嚟已經非常吸引。每一啖都品嚐到芋頭嘅香氣伴隨住奶嘅滑順🥛。底部嘅芋泥同紫薯粒🍠亦為杯飲品增添左層次感。同小編一樣嘅芋頭迷一定唔可以錯過。
2. 手打鮮檸鳳梨茉莉綠茶🟡🟠🟤 ($38 - 700ml）
哩杯手打鮮檸鳳梨茉莉綠茶就係一款比較清新嘅選擇。檸檬🍋嘅酸味同鳳梨🍍嘅甜美幾夾，而茉莉綠茶🍵的清香同以上嘅果香又係絕配。喺咁炎熱嘅天氣下，哩款水果茶無疑係消暑嘅佳品。
小編同朋友都各自揀左少甜，感覺上冇咁邪惡但又其實唔會好淡👍🏻👍🏻👍🏻
