Geisha Lounge (Closed)

中環藝妓主題玩味酒吧今日放工去左中環搵舊同事，佢帶左我上一間隱世酒吧。 未入舖就好驚喜，見到個男人重要部位同日本竹林。 好大膽創新嘅擺設，看來店主似乎係外國長大。最特別，係呢間樓上bar 有好多boardgame玩, 店主話可以比人happy hour 飲杯野同朋友玩下遊戲輕鬆下。Summer (夏）用Sake, 接骨木花，羅勒、青瓜、青檸、花、草藥及柑橘類水果同一啲清爽嘅材料調配而成嘅Cocktail。好有和風味道。飲一啖先感受到清爽嘅青瓜味，緊接着就係青檸味，最後帶一點陣陣嘅花香味。係一杯幾有夏日感覺嘅Cocktail，飲完號醒神。Asa (秋）用Gin 作base, 日本獨創嘅焙茶、荔枝、茶、烤、花香及柑橘類水果調製。 飲落比Summer 淡身，比較似茶嘅味道再帶點荔枝味。唔鍾意甜既朋友可以叫呢款。酥炸紫菜魷魚鬚魷魚份量唔少，紫菜味香濃，炸粉夠脆，每一口都有魷魚鬚。送酒唔錯嘅小食。