黎食個lunch頂住當先
好彩今日天陰陰又被開咗最peak嘅lunch hour
所以完全唔洗等就入到去
不過代價就係雞同羊都賣晒
3
1
我地兩個人嗌咗一人一碟加一杯凍鴦
1
頭抽蔥油豬扒煎雙蛋飯
豬扒已經切好一條條 份量有半隻碟 面頭再加兩隻小燶邊蛋 再淋蔥油同甜豉油
先撈勻蛋汁同蔥油，已經好好食
豬扒好淋 唔會煎到乾邊 亦唔多肥膏
食得出係靚豬而唔係用鬆肉粉那過
個甜豉油令到我食唔停
老蘭嫩牛蔥油撈麵(extra beef)
個牛果然好出色 望落已經係粉粉嫩嫩
隨麵跟咗碟豉油同一碗清湯
淨食一舊牛乜都唔洗點，牛味好濃好淋好嫩
難得食到所以叫多extra beef
個撈麵都彈牙 好乾身 夾埋個牛食真係一啖接一啖
2
係中環以碟頭飯黎講都真係冇得輸(唔計加咗double份量果碟嘅話)
環境有卡位有圓枱
入到去就會有好想唱k嘅感覺
啲staff都會唱番兩嘴 成個感覺好chill
牆身亦貼咗好多有趣揮春
支持廣東歌 支持本地音樂人
總之就係間好地又好正嘅本地茶記小店
