六如

Open Now

Now Closed

呢間位於中環嘅精緻中菜館，前身係「中環三小漁」，餐廳裝修以木系為主，環境寬敞明亮。➰前菜 前菜方面有三款。首先，黑磚豆腐炸到外脆內軟，豆腐入口好嫩滑。而百香冰心丹霞呢個名好特別，係車厘茄配百香果，食落酸酸甜甜，仲有香濃百香果味。第三款係川香口水瓜，佢係以川香口水汁配上西瓜，食落麻麻辣辣➰鮮魚湯脆米淮山泡龍躉球 $368鮮甜嘅魚湯，配上新鮮彈牙嘅龍躉，而且魚肉份量都多。另外，配料方面有淮山、黃耳、芽菜、年糕等，岩曬同家人、朋友分享。➰鮮麻椒油泡聖子 $198聖子食落彈牙爽口，鮮麻椒油令到聖子嘅鮮甜味更突出。➰鹵水乳鴿 $68乳鴿食落好入味，而且肉質鮮嫩。店員仲提供手套，服務貼心。➰桃膠燉手工千絲豆腐 $58大大粒嘅桃膠配以手工千絲豆腐，呢個甜品飲落清潤養顏➰桂糖香芒爆珠涼粉 $48香甜芒果配以馬蹄爆珠同涼粉，十分適合作為飯後甜品。