Video
Read full review
2021-07-12
830 views
咪睇中環商廈林立，名店滿街，買下o野食下飯就一定係高消費；其實呢個地方存在住好多橫街窄巷，近在咫尺，卻可以係個截然不同o既世界。o係呢d 小巷迷走，掃下攤檔執下平o野，發挖下新餐廳，都係一種樂趣！呢間東南亞餐廳位於嘉咸街，食完行番出皇后大道東都只係幾步路。晚餐$70 幾$80，已連湯、頭盤、餐飲同甜品，仲想點？餐湯似乎係胡椒豬肚湯，胡椒味重，亦都帶點甘甜。要讚一讚，佢呢d 頭盤雖然係跟餐，但都有成5 款可以揀，同埋份量唔細，直情可以當係side dish！迷你泰式酸辣無骨鳳爪酸甜爽口，開胃一流；泰國風味沙爹雞肉串燒(可以要豬肉都得) 有兩大串，蘸上惹味醬汁；而迷你泰式肉碎生菜包可以自己包下包下，有得食有得玩，不過要留意呢個d 肉粒本身比較辣~海南雞飯係餐廳o既招牌菜，當然要試下！Mekong 海南雞飯配油飯($85) 有住滑滑鮮嫩o既雞肉，起晒骨一啖一件夠過癮，佢另外附有一款蒜蓉酸辣醬，點埋就更加完美。配搭油飯，雞油之中仲有點香茅o既氣息。菠蘿海鮮炒飯($85) 係一大兜，裡裡外外都好足料，外面瀋上肉鬆同花生粒，裡面埋藏o左多隻大蝦同魷魚等等o既料，食完會讓十非常飽肚滿足~ 泰式乾炒河
餐湯
9 views
0 likes
0 comments
呢間東南亞餐廳位於嘉咸街，食完行番出皇后大道東都只係幾步路。晚餐$70 幾$80，已連湯、頭盤、餐飲同甜品，仲想點？餐湯似乎係胡椒豬肚湯，胡椒味重，亦都帶點甘甜。
迷你泰式酸辣無骨鳳爪
6 views
0 likes
0 comments
要讚一讚，佢呢d 頭盤雖然係跟餐，但都有成5 款可以揀，同埋份量唔細，直情可以當係side dish！迷你泰式酸辣無骨鳳爪酸甜爽口，開胃一流；泰國風味沙爹雞肉串燒(可以要豬肉都得) 有兩大串，蘸上惹味醬汁；而迷你泰式肉碎生菜包可以自己包下包下，有得食有得玩，不過要留意呢個d 肉粒本身比較辣~
迷你泰式肉碎生菜包
9 views
0 likes
0 comments
海南雞飯係餐廳o既招牌菜，當然要試下！Mekong 海南雞飯配油飯($85) 有住滑滑鮮嫩o既雞肉，起晒骨一啖一件夠過癮，佢另外附有一款蒜蓉酸辣醬，點埋就更加完美。配搭油飯，雞油之中仲有點香茅o既氣息。
Mekong 海南雞飯配油飯 ($85)
2 views
0 likes
0 comments
菠蘿海鮮炒飯($85) 係一大兜，裡裡外外都好足料，外面瀋上肉鬆同花生粒，裡面埋藏o左多隻大蝦同魷魚等等o既料，食完會讓十非常飽肚滿足~ 泰式乾炒河($78) 又係可配豬/雞，揀o左豬，d 肉片連同河粉、蛋花用豉油去炒，材料簡單但味道卻唔錯。
菠蘿海鮮炒飯 ($85)
5 views
0 likes
0 comments
餐飲好多選擇，泰式奶茶之前o係其他地方都飲過，佢呢度仲有泰式檸檬茶添~ 我自己就試o左杯椰汁冰(加$5)，嘩！同出面o個d 爭好遠，佢邊係椰汁冰﹖係純椰汁咋下話！﹖一般餐廳都係椰汁加糖水加冰，但呢間則非常之濃郁，要加分！細節決定成敗。
椰汁冰 (加$5)
1 views
0 likes
0 comments
噢，爭d 唔記得講埋個甜品，係一隻千層糕，凍o既，椰汁糕同大菜糕相間著，令已經食到好飽o既我地忍唔住品嚐埋呢。
甜品(千層糕)
9 views
0 likes
0 comments
Post
