中環茶記 (Closed)

雖然中環好似好多唔同種類既餐廳，但係我就成日覺得無咩選擇，一係就排隊排好耐先有得食，一係就太貴，想簡簡單單食餐好味得黎又唔貴真係難。不過今日經過呢頭見到呢間茶記好似新開，感覺好似唔錯就入去試一試啦，估唔到都好有驚喜。餐廳裝修非常有特色，舊式茶記裝修充滿懷舊既感覺，雖然懷舊但唔會有舊既感覺，舒服企理，打卡一流。食物方面，香煎美國牛柳拼大蝦好出色，先講d蝦啖啖肉燒得好香，牛柳非常厚身，勁juicy有口感又有牛味，薯角特別要讚下，炸得好香脆，好正。日式鰻魚炒飯真係有好大粒既鰻魚，仲有d鰻魚好香好彈牙，飯乾身唔油有飯香，絕對係一個一流既炒飯。菠蘿生炒骨個份量真係好足，肉夠厚夠入味，酸酸甜甜好開胃。上湯瑤柱浸時蔬清清地好新鮮，份量都多，唔錯。叫左杯紅豆冰都大杯呀，好抵飲。龍鳳檸樂好有特色。總括一句，價錢合理，食物質素高，環境舒服，要encore。