The Jeju Black

韓式燒肉幾時都咁吸引😍之前去過旺角嘅濟洲島燒肉店The Jeju，店面以黑色火山洞為主題，夠晒型格，燒肉嘅鐵板亦好特別，係一塊斜嘅石板，可以喺燒肉嘅時候將油脂隔走，令燒肉食落無咁油。最近佢哋就喺中環威靈頓街開咗分店，裝修貫徹暗黑型格風😎餐牌比起旺角店選擇更多，套餐份量十足🤰🏻可以同三五知己嚟大擦韓式燒五花肉、牛肉等。

1

🍱前菜
一坐低就附上六格前菜，有辣魷魚、醃洋蔥、薯仔沙律等😙

🥓Set B The Jeju 罈子五花肉450g $376
套餐包含招牌罈子五花肉以及炒飯或炸醬麵，份量頗大👏🏻夠2－3人食。五花肉喺罈子內進行熟成，可以肉質更軟嫰。店員會幫手燒，先係特製石板燒製泡菜、醬汁及蒜頭，之後再將五花肉燒到啱啱好👍🏻表面焦香，咬落彈牙有油香。配燒熱嘅泡菜食好夾。另外亦附有濟州柑，食完燒肉食呢個正好解膩😛

🍝Set B 石板炸醬拉麵（辣）
炸醬拉麵可以揀辣或唔辣，會係鐵板上烤熱，保持溫度。拉麵幾彈牙惹味，不過辣度頗高，刺激得滯🤣如果可以少辣就好。

🥩牛肋骨肉 100g $218
除咗經典嘅五花肉，中環新店仲有牛肉可以選擇，牛肋肉脂肪比例低，但燒完之後口感幾柔軟，肉味突出🤤

🍘烤糯米糕 $70
中環新店先有嘅甜品，上枱時先由店員剪成一塊塊，年糕好軟糯，拉絲效果強勁🤩不太甜富糯米香嘅年糕加上黃豆粉，簡單好食😋

🍹接骨木花柚子梳打、漢拿峰梳打、金桔百香果梳打 $48／杯
飲品都富有濟州島元素，好似漢拿峰梳打就用上濟州島出名嘅漢拿峰柑橘🍊酸甜清爽。

推介指數（10分為滿分）：7.5分