獅城星馬餐廳 (Closed)

黄昏前過中環交文件，順道找附近返工的朋友聚一聚吃個晚飯，朋友有好介紹，吃星馬美饌，位於蘭桂坊一間精品酒店的星加坡餐廳。餐廳裝修簡約時尚，枱椅擺放整齊，感覺舒適。獅城海南雞(例牌)~雞件嫩滑，啖啖肉，原來係冇骨㗎，雞皮勁爽滑，海南雞必配三款醬料：黑醬油、薑蓉及辣醬，薑蓉加入特別香料，個人比較喜歡沾黑醬油，帶出雞肉的鮮味。娘惹咖哩大虎蝦~咖哩味道香濃，唔覺辣，醬汁由多種香料配製而成，頗惹味，虎蝦真真好大隻，因為大隻，蝦肉質感好強，新鮮正啊！馬拉盞炒通菜~通菜爽脆炒得香口，味道較濃，少少辣。蝦卷~用腐皮包蝦膠，即叫即做，蝦膠咬落好彈牙，熱辣辣炸起，超級脆卜卜，非常香口。海南油香飯~食海南雞當然要配油香飯啦，啖啖油香，唔覺唔覺食多咗飯添。椰漿飯~都值得一試，邊食邊聞到好香椰子味，吃這個飯可以嚐多一點咖哩汁。星加坡菜仲有一個特色食品-肉骨茶，可惜份量比較多(四人)，今晚得兩個人無緣品嚐，如果有二人份量就更理想。