沾仔記 (兆英商業大廈)

Open Now

Now Closed

呢間雲吞麵喺香港真係可以話係數一數二好味🍜，我自己食過幾次，每次都好滿意。佢對面街其實仲有另一間雲吞麵舖，但老實講，我覺得味道同整體感覺，始終係呢間贏咗少少，所以每次經過都會忍唔住入去。嗰日去嘅時候，餐廳雖然唔算大，但好乾淨企理，牆上掛咗啲老香港嘅相片，有啲懷舊味道。坐低冇耐，店員就好快嚟落單，態度都幾爽快。雲吞上枱嗰一刻真係好吸引，雲吞真係好大粒，啖啖都有蝦肉，爽口彈牙，咬落去仲食到鮮蝦嘅甜味。佢嘅鯪魚肉亦都好有水準，食落去好實淨但唔乾，仲有彈性，咬一啖好滿足。麵方面，幼麵煮得啱啱好，唔會太腍，亦冇過重嘅鹼水味。我個人好鍾意加少少醋落去，酸酸地更加突出鮮味。😆😆