The Jeju Black

同朋友放左工想食韓燒，就嚟咗中環食呢間好出名嘅韓式餐廳。餐廳抽風系統做得幾好，食完都唔會成身油煙味！

🔵 海膽醬油蟹
蟹肉鮮甜，醬油醃得剛剛好唔會太鹹。海膽creamy嘅質感同蟹膏嘅濃郁完美融合，配埋紫菜嘅脆口，真係一試難忘！😻😻

🟠 濟州黑毛豬五花
油脂分布好靚，燒到外皮微脆。肉味濃郁得嚟帶啲甜味，簡單蘸少少鹽就已經好夠味。店員仲會幫手燒到perfect嘅熟度！😽

🟢 柑桔百香果梳打
清新到爆！濟州柑桔嘅酸甜同百香果嘅香氣好夾，仲有粒粒果肉增加口感，解膩一流。

⚪ 濟州爺爺黑芝麻奶凍
黑芝麻味香濃得嚟唔會太甜，奶凍滑溜，面頭嘅芝麻碎增加咗層次感，濟州老爺爺嘅造型仲好得意！

1