Video
Read full review
2024-11-11
56 views
朋友已經食咗三四次，同我講有質素保證，而且價錢唔貴。確實整體價錢唔貴，係絕對可以食飽嘅燒烤舖，又多咗一個同朋友聚會可以揀嘅選擇。‣ 大蔥雞肉 $10雞肉嫩滑，啲蔥都燒到好香，都保留到蔥嘅清甜同爽脆，超級抵嗌。‣ 椒鹽雞軟骨 $15例牌嘅雞軟骨，外皮酥脆，調味亦都恰到好處，唔會太鹹。‣ 豚肉荔枝卷 $15‼️超級推薦‼️佢嘅豚肉燒得超香，而且我覺得肥瘦好均勻，食落口完全唔會覺得油，荔枝反而可以將豬油嘅香突顯出嚟，一定要嗌。‣ 鹽燒雞中翼 $20雞翼都燒得唔錯，啲肉好嫩滑，完全唔會覺得柴，兩隻雞翼都肥嘟嘟，食完都滿足。‣ 老油條釀墨魚滑爆芝士 $20‼️超級推薦‼️油炸鬼包住墨魚滑加埋芝士真係超級邪惡嘅組合，啲芝士仲可以拉絲超正，搭配酸酸甜甜嘅糖漿真係超級過癮好味。‣ 免治雞肉棒 $28寫明係配日本蛋，我都幾鍾意個蛋同埋個醬汁，確實都真係好香。而雞肉棒就啖啖肉，中間有啲軟骨加埋有啲咬口，飲酒必備嘅菜式。‣ 鹽燒牛舌芯 $28牛舌柔軟又有彈性，厚薄度恰到好處，完全唔會覺得太難咬，但係仲保留到嚼勁。‣ 韓風燒牛肋肉 $28佢個韓風醬汁都教得幾好，食落口嘅時候真係有韓式燒肉嘅感覺，而牛肋肉本身肉質都好軟
‣ 大蔥雞肉 $10
雞肉嫩滑，啲蔥都燒到好香，都保留到蔥嘅清甜同爽脆，超級抵嗌。
‣ 椒鹽雞軟骨 $15
例牌嘅雞軟骨，外皮酥脆，調味亦都恰到好處，唔會太鹹。
‣ 豚肉荔枝卷 $15
‼️超級推薦‼️佢嘅豚肉燒得超香，而且我覺得肥瘦好均勻，食落口完全唔會覺得油，荔枝反而可以將豬油嘅香突顯出嚟，一定要嗌。
‣ 鹽燒雞中翼 $20
雞翼都燒得唔錯，啲肉好嫩滑，完全唔會覺得柴，兩隻雞翼都肥嘟嘟，食完都滿足。
‣ 老油條釀墨魚滑爆芝士 $20
‼️超級推薦‼️油炸鬼包住墨魚滑加埋芝士真係超級邪惡嘅組合，啲芝士仲可以拉絲超正，搭配酸酸甜甜嘅糖漿真係超級過癮好味。
‣ 免治雞肉棒 $28
寫明係配日本蛋，我都幾鍾意個蛋同埋個醬汁，確實都真係好香。而雞肉棒就啖啖肉，中間有啲軟骨加埋有啲咬口，飲酒必備嘅菜式。
‣ 鹽燒牛舌芯 $28
牛舌柔軟又有彈性，厚薄度恰到好處，完全唔會覺得太難咬，但係仲保留到嚼勁。
‣ 韓風燒牛肋肉 $28
佢個韓風醬汁都教得幾好，食落口嘅時候真係有韓式燒肉嘅感覺，而牛肋肉本身肉質都好軟嫩，味道好濃郁，啱晒重口味嘅人。
‣ 蒜蓉菜脯燒茄子$38
自己去親食燒烤，幾乎都會點茄子，而佢嘅茄子都燒得好正，吸收晒蒜蓉嘅香味，而茄子肉都相當軟腍，一邊飲酒一邊食都咪話唔正。
‣ 有限杯之忌廉煮蜆 $68
啲蜆好新鮮，個汁就主要係以淡忌廉做基調，好重奶香味，搭配蜆都真係第一次咁樣食。都幾特別，鍾意奶香嘅人應該會好鍾意食。
‣ 流心蛋薯仔沙律 $68
‼️超級推薦‼️薯仔撈埋蛋漿真係冇得輸，而佢嘅流心蛋都整得好好食，係有醃製過，薯仔保留到有粒粒嘅口感，但係入口都係好滑順，仲有幾粒蟹籽裝飾，值得一試。
‣ 港式蜜糖多士夾雪糕 $48
‼️超級推薦‼️個焦糖燒得相當之靚，係接近完美嘅蜜糖多士，夾埋雲呢拿雪糕一齊食，冰火嘅口感真係令到人欲罷不能，唔食會後悔之選。
‣ Sapporo生啤 $48
撞正Sapporo生啤買一送一，咁抵嘅優惠點可以錯過，而Sapporo生啤不嬲都好易入口，如果諗唔到飲咩就一定試試佢。
Post
