陀地燒 (Closed)

話說我平時都鍾意周圍搵嘢食，我覺得中上環嗰邊都幾多唔同嘅舖頭唔係連鎖嘅～今次就搵咗間食串燒！成日都覺得食串燒係智商稅😂明明一樣嘢得嗰兩三嚿，但係可以買到極貴🤔今次食呢間串燒覺得性價比都幾高!點解咁講？因為最平嘅串燒都只係$8一串（兩串起）我覺得超級抵！出邊啲串燒好多都十幾幾廿幾一串😪 $8嚟講，雞肉串真係好抵🤣同埋燒得啱啱好好Juicy! $9既雞軟骨都勁多粒！然後我都忍唔住，叫咗啲飽肚少少嘅嘢🤣個麻辣錫紙鴨血$28黎講份量好多！然後下面仲有粉絲！不過對於我呢個好鍾意食辣嚟講，依隻辣都幾辣！大家可以挑戰吓😆同埋我哋嗌咗香草蒜蓉包🍞我哋影相影咗勁耐個包雖然凍凍地但係都依然係咁脆！另外我覺得依間舖頭有啲嘢食都幾得意！平時食串燒甚少會見到～我第一次串燒舖食豬粉，滷水豬大腸，仲有鵪鶉蛋都可以燒😆個豬大腸好好食! 應該係醃咗好耐最後，食串燒梗係要啤一啤佢！生啤買一送一超抵🍻眼見在場都有啲人係自己一個人嚟食，證明真係性價比極高！如果我喺中上環返工，我諗會拎嚟做lunch🤣