中環最近真係又有韓國美食新地標啦！The Jeju Black岩洞餐廳（中環店）真係穩藏版高質韓餐😍，唔止得濟州Premium黑毛豬咁簡單，仲有超多精緻菜式！
餐廳設計超有心思，入到去就好像走左入山洞咁，環境感覺岩晒一班friend聚餐，影相都超靚📸。個鐵板都似成石頭look，每一細節都咁特別，氣氛一流～
Menu選擇多到連我都有選擇困難症發作😂
最後我pick咗濟州Premium黑毛豬肩肉燒肉Set（300克），
鮮紅的肉質＋自然油花，未食都已經感受到幸福！專人幫燒又幫處理，體貼爆燈～
芒果完美襯托，好新鮮！
- 肉質：sooo嫩滑同juicy，入口有咬口，烤肉香氣爆錶
- 味道：特製醬料夠鮮美，微微煙燻香令人回味無窮～
黑松露海膽韓牛生拌牛肉都係必試（$388），韓牛生牛肉鋪滿海膽＋厚切黑松露片，仲有魚子醬，賣相已經好奢華😋 視覺享受！
- 口感：牛肉鮮嫩、海膽滑順、黑松露香氣，層次感超豐富
- 味道：黑松露香＋海膽鲜味+魚子醬，一定要點埋佢秘製醬汁，食完即刻唔想停！
牛肉海帶湯（跟飯）都勁足料！湯滾滾上枱，牛肉又有咬口，拌飯食真係超絕配。
甜品Jeju yeye，賣相似藝術品！
黑芝麻超香濃，配朱古力餅碎做底，唔會太甜又有雪糕，入口綿軟，甜而不膩，一食即愛上💗～
金桔百香果梳打，入口清新，香甜百香果味令人心情都好晒！
鍾意韓國料理又鍾意打卡，真係要bookmark埋The Jeju Black岩洞餐廳！
韓式燒肉＋岩洞氣氛，朋友聚餐/情侶約會都勁啱～推介必食黑毛豬set、黑松露海膽牛肉，甜品都唔會輸比主菜！下次一定要試埋其他菜式🤩
