Feast Oyster Bar and Restaurant (Closed)

餐廳環境非常舒適，坐位與坐位之間空間超濶，一入門口左手邊嘅吧枱附設蠔吧，款式之多惹人垂涎。生蠔12隻 及 白葡萄酒1支，les chevalier noir 法國黑騎士生蠔嚟自法國西岸，入口順滑，強烈嘅蠔味隨即喺口中散發，餘韻散發出嘅鹹鮮更係令人滿足。白酒揀咗呢隻嚟自智利嘅 casillero del diablo，味道混合咗柑橘、酸橙同西柚嘅香氣，口感乾淨，餘韻悠長優雅，尾韻有淡淡嘅青辣椒味。蟹肉牛油果沙沙，蟹肉牛油果莎莎賣相精緻，最底層嘅番茄上面嘅係新鮮蟹肉，溝埋最上面嘅牛油果一齊食，味道相當清新。海鮮另沙濶條麵，喇沙闊麵醬汁濃稠，喇沙味道層次豐富，選用嘅海鮮亦都唔係一般嘅雪藏貨，新鮮彈牙嘅魷魚真係好耐都未食過。