1862 BAR DE TAPAS Y VINO

Open Now

Now Closed

今次同朋友去中環大館探店，試咗呢間隱藏喺歷史建築群內嘅西班牙餐廳，性價比不錯。餐廳保留大館復古磚牆設計，加上開放式吧枱同柔和燈光，好有歐洲小餐館情調。西班牙地道薯仔奄列 一上枱就聞到濃郁蛋香，外層微脆，切開後薯仔軟糯，蛋液保持濕潤，簡單卻超有層次的開胃菜。黑毛豬火腿球 外皮炸得金黃酥脆，咬開係滿滿嘅黑毛豬火腿絲同溶化芝士及薯蓉，鹹香濃郁，佐酒一流。1862招牌西班牙海鮮飯 飯粒吸飽咗海鮮湯汁，藏紅花加上蕃茄香氣突出，青口同蜆肉新鮮好甜爆汁，飯裏面仲混合咗魷魚同埋小帶子。鍋底仲有微微飯焦，正宗西班牙風味。雪糕三文治 我哋揀咗芒果口味雪糕夾喺兩塊西班牙churro中間，點上香濃黑朱古力醬，冰火口感完美收尾。