12點08分去到餐廳, 眼見都有大半坐滿人喇. 有一部份因素應該喺中環無乜上海菜有關!! 諗好食乜就外賣番公司食.
花雕醉雞配菜飯
醉雞（$59.5）
雞件細細件好精緻，分別有雞胸肉同雞翼，份量剛好。
黃澄澄的雞皮顯得油亮肥美，有着綿胎一樣的厚肉，不難看出用雞油泡浸了一段長時間，然而肉質嫰滑彈牙，胸肉的部分同樣幼滑，不帶絲亳渣滓，好驚喜。
一口咬下去，雞肉能吃出雞油香味, 但花雕酒味略淡，雞肉亦略重鹹味, 配合一碗湯麵應該更好。
菜飯
跟餐的菜飯的軟硬適中, 一眼望落去就知唔簡單啦，而且炒得很香，軟糯而不會過油，如果加埋姜落去炒就可以拎滿分，呢個菜飯可以講得上喺香港絕無緊有嘅質素, 必定要試!
桂花酒釀丸子
翻開蓋淡淡的桂花香瞬間爆出嚟，軟糯香甜，簡單一個甜品，好吃到停不下，可以一試！
沒想到中環上山的街角， 食物水準尚算高，外賣平台減價戰絕對不容錯過啊!
