🐷🐷💭大家好！今日繼續介紹中西區山下黃舍嘅小店, 呢間cafe好就腳, 就係正德輔道中嘅中保大廈, 朝早去買早餐加杯咖啡都係$6x, 佢哋都加入左山下黃舍食店, 儲嘅係紅色印仔! 而我今次介紹嘅係近期比較淡靜嘅午市套餐!
🐷🐷💬🌟午市套餐 - All Day Breakfast ($110)
小店地方淺窄, 基於安全考慮佢哋已經收晒堂食, 為左想帶旺人氣我哋都企係後面食😂All day breakfast 由於轉左外賣盒, 賣相同碟上當然差天共地, 但質素一樣係大件夾好食!! 包類揀左牛角包配牛油同忌廉芝士, 醬料好重手好邪惡, 牛角包好脆口好味! 配料有火腿, 炒蛋, 牛油果, 煙三交魚揀兩款, 我哋揀左炒蛋同煙三交魚, 好大塊三文魚而炒蛋就好夠滑, 仲落左少少黑椒! 套餐仲有大量沙律菜, 好健康好新鮮! 最後野飲揀左有拉花嘅cappuccino, 豬仔🐷冇鬼用開蓋果陣整花左😣!! 咖啡好高質, 飲完又可以返公司完成下半場繼續博殺!💪
🐷🐷💭小店地理位置非常方便, 所以價錢都會貴少少, 但其實下晝唔食all day breakfast, 佢有三文治餐其實都係$6X, 早餐就仲抵食添!! 如果上班族想買咖啡, 幫襯佢哋點都好過去黑心咖啡店啦! 大家有興趣去買杯咖啡或者食個套餐支持下啦!!
其他中環區山下黃舍紅色印仔嘅豬仔飯堂: Around Wellington, Nggy Kitchen(中環店暫時停業)...可以留意 #chujaieatincentral睇番!
