kikusan

Open Now

Now Closed

途經中環置地廣場食晚飯，唔想食太貴於是搜尋到呢間同時有上海菜和日本菜供應的餐廳。下午6點幾，餐廳外已有很多人排隊，好彩排5張枱都係等咗15分鐘左右。入到去餐廳環境很暗，很多OL放工食飯。餐牌有小籠湯包、煎餃子、口水雞等中餐和串燒、壽司、拉麵等日本菜。我揀了煎九菜餃，非常足料大隻，餡料新鮮，底部香脆。另外沖繩苦瓜炒豬肉，裏面有炒滑蛋和豆腐。苦瓜幾苦幾新鮮，豬肉太硬，滑蛋夠滑但味道無層次。炸雞親子飯的炸雞外皮較硬，但裏面有汁，不過好像沒有醃味。飯上佈滿滑蛋和青蔥，雞蛋很滑但是如果可以有洋蔥，味道層次更突出。食飯期間見到其他枱叫串燒和壽司質素不錯，下次會再去試。