牆壁嘅壁畫好靚，店內嘅裝修都好清新別緻，感覺好 chill。
因為好想食煙三文魚，所以我揀咗 Everything Toast，佢除咗有煙三文魚之外，上面仲有玫瑰花造型嘅牛油果，好味又健康。吐司烤得好香脆，本身仲諗住食呢一個 brunch 會唔飽，點知原來份量都幾夠。
飲品方面我揀咗帶有少少酸味嘅 Rose Latte，天氣咁熱真係好適合飲凍咖啡，消暑解渴一流！
見個胃仲有少少位，決定叫多一支玫瑰花造型嘅開心果雪糕。開心果味非常之濃郁，同平時食開嘅雪糕好唔一樣，口感亦非常幼滑，甜味適中，最緊要係個脆筒 keep 到夠脆口，係我近期食過最好味嘅雪糕🍦
呢度環境咁舒適，嘢食質素咁高，真係可以閒時嚟放鬆一下！
