首先，本人其實從來都唔會買外賣（沙律除外), 因為一般茶餐廳快餐店之類的食物通常都有味精，買完返到公司通常都唔夠熱又淋啤啤，但在 FE 買外賣永遠都令我好放心，因為佢哋堅持唔用味精，亦注重食物質素及溫度。
這裏甚多選擇，佢哋嘅名菜係韓式 bimbimbap 和海南雞飯，但我通常盡量少食澱粉質，FE 亦對我哋呢啲怕肥人士好照顧，你可以要求轉糙米或 guinoa。另外，幾乎每月都有新菜式推出，以下係我最近食過嘅：
1. 大花膠雞肉湯粉絲 - 花膠大大隻，雞胸肉一啲都唔鞋，啲雞湯飲得出全無味精，次次我都會連最後一滴都舔晒。
2. 四川水煮蝦湯粉絲 - 因為我鍾意食辣，亦講明要大辣，以為會油淋淋，點知湯底完全唔油，最後我又K.O.晒啲湯。
3. 雞胸肉豆腐暖沙律 - 做完 gym 或 on diet 最啱食。
總括來說， Food Expression 的食物質素奇高，價錢又唔貴，平均只是60多元，兩點後仲有八折，是中環區外賣不二之選。
