和味館 (Closed)

中環區有好幾間日式放題，如果要講食物質素同環境，我會推介和味館。話明日式放題，當然唔少得刺身壽司啦！刺身款式雖然唔多但水準依然Keep到 (三文魚、Tuna、赤貝、八爪魚、馬刀貝、甜蝦…) ，不過好可惜呀，無左帶子刺身同櫻花魷魚….( 都唔知幾時轉左menu ) 壽司款我覺得芝士鰻魚同火炙三文魚都好好味！仲有好多choice，但因為唔想食咁多飯，所以轉攻串燒同天婦羅。串燒揀左雞軟骨、雞翼、燒冬菇同多春魚，即叫即燒，正！雞軟骨：友人略嫌唔夠咸，同大反映過後立即再燒過新的雞軟骨，服務態度一讚！雞翼：好味，燒汁可以淋多d。冬菇：唔太乾，燒得好。多春魚：一般。天婦羅揀左蝦同南瓜，真材實料~ 蝦夠鮮、南瓜甜，最重要係粉漿唔厚，侍應拎過黎時天婦羅仲熱辣辣！！除左日式放題，仲有越式同泰式菜(連火鍋都有) ，呢幾款都值得encore:1.蝦多士 (上面鋪滿芝麻，勁香口~~)、蒜蓉多士 (勁香牛油味) 2.牛油雞翼 3.泰式沙律4.冬陰公湯5.炒青口食埋甜品蛋糕，埋單都唔洗$200 每位，十分滿足的一餐~~~~