中環人通常有d要求嘛！最後都係揾間酒樓食算！
嗰日呢間d嘢見得人，正！
因為只是食嗰便飯，本來無諗住寫open rice, 所以無相。但諗諗吓，好嘅，讚讚無妨。放d正能量鼓勵鼓勵。
雖然4個人，但由於無諗到份量咁大,結果好似order咗好多嘢😅 打包都有兩盒😂😂
個日個叉燒拼燒鵝掂。食晒！ 叉燒軟腍腍，燒鵝因為有靚脾位，正! 皮脆肉香！
春卷夠脆，個椒鹽茄子夠香酥，邊食d 炸嘢邊食魚付番茄湯米線幾滋味😋
金磚豆腐除咗顏色深左以外，質感同港島鬧市區有得揮(仲要大double,平一節)
蝦餃， 燒賣 ，叉燒包 足料，大份。蝦餃裡面隻蝦幾鬼大。（可能因為平時見嗰d越縮越細）
overall 嗰日幾Ok。 鼓勵鼓勵！
