朝天門

Open Now

Now Closed

等到頸都長終於放假！一放工即刻去中環打邊爐，朋友狂推蘭桂坊的朝天門！古色古香的門面勁有霸氣，原來餐廳係係重慶非遺老字號，最正係VIP房仲可以唱K又有隱私度望住出面蘭桂坊街景，整體而言食材又靚又新鮮，體驗感超好！最抵讚係醬料唔使行出去排隊，豉油醬料直頭送到埋你面前，任夾唔嬲！餐前小食有合桃片、脆麻花、紅棗同椒鹽酥肉，個雙拼湯底揀咗菇菌湯+麻辣牛油，個味濃到呢～ 烚嘢食之前，服務員會擺塊方包喺碟底，原來係用嚟索走啲多餘紅油，難怪啲人食極唔肥啦，又學到嘢食材好新鮮，仲有平時香港火鍋店少見的麻辣牛肉，我哋就揀咗牛小排和牛頸肉，海鮮仲有黑虎蝦、象拔蚌、鮑魚等，估唔到都係仲有香港好少見嘅鮮毛肚，處理得唔錯口感爽脆，最後再食返個紅糖冰粉，整好中和一下火鍋的麻辣！