麻辣燙

Open Now

Now Closed

於2005年中環SOHO區開業的川菜「麻辣燙 Chilli Fagara 」獲得11年米芝蓮推介，小店相當低調，都係多得同事推介先至有機會book位食。建議一定要預約，去到嘅時候已經坐滿無得walk-in！睇Menu介紹先至更加了解麻、辣、燙三個分別，麻由花椒（Fagara）引起，有麻痺的感覺🥵辣大家都知係刺激🌶️燙則可同麻、辣並存。餐廳的食物亦分為「麻、辣、燙」三大類！開胃之選有酸辣湯，可選豬肉或雞肉，好足料，有啲荀絲、木耳絲、蘿蔔絲等。我地點左「麻」的重慶口水雞和紅油抄手。口水雞係川菜中必備的涼菜之一，雞入口要冰涼🐥雞皮唔肥夠爽口，肉質都唔錯。鋪滿花椒多紅油🌶️的確食落充滿麻的感覺，又唔會好辣，好食到流口水🤤紅油抄手反而無咁麻，不過粒粒飽滿餡料多皮又薄，都幾好食。「辣」點左乾燒魚塊🐟魚的外皮微脆有口感，咬開肉質幾滑，味道惹味。幾鐘意菜式唔會太辣，見有好多枱外國人都食到。主食都有好多選擇，我哋要咗四川擔擔麵🍜湯底濃郁、有花生香味🥜伴着蔥花、豬肉碎，麵條沾滿湯汁，十分美味🤤🔸酸辣湯🔸重慶口水雞🔸紅油抄手🔸乾燒魚塊🔸擔擔麵🔸Salted Booch Lemonade 🔸Royal Rosel