Amazake

夜晚臨時臨急book既日本餐廳，open rice booking有8折。星期五晚大約8點左右去到，場內人數唔算好爆，餐廳為日本居酒屋風格，以紅黑為主，相當有特色。


首先，推介既係sushi rolls，自己本身叫左2款，分別係amazake house roll同炙燒辣三文魚卷。個人比較推薦後者，因為前者會有少量海膽，比較腥，而後者比起某藍店元x同近期大熱xx郎既辣三文魚略勝一籌，始終都係一分錢一分貨。

amazake house roll, 炙燒辣三文魚卷

另一個驚喜美食就係鵝肝鰻魚炒飯，原本都同朋友都係為左飽啲先叫。當中仲有埋流心蛋，除左更飽外，亦都令個飯比較濕潤。

鵝肝鰻魚炒飯

最後，建議大家可以唔洗試鱈場蟹肉紫菜天婦羅，因為味道好一般，但份量極少，價錢相對算貴。

鱈場蟹肉紫菜天婦羅

$110

Overall，餐廳性價比不算高，始終中環既餐廳，都有番一定價格，但水準都算中上，附近返工都不妨一試。