瘋狂小面 (佳德商業大廈)

Open Now

Now Closed

今日出中環做完野，一早計劃好要去重訪位於士丹利街嘅「瘋狂小面」。上次食過之後朋友一直都想一齊再來試吓，可惜一直疫情變嚴重，眨吓眼已經有上半年。今次出開嚟一定要 encore。記得上次試過干撈麵（小辣），今次要試湯麵，仲要挑戰一下加辣。《瘋狂牛肉麵》加麻加辣，果真越多食越辣，超過過癮。跟餐配烏梅汁。加$32升級小食《紅油耳片》。點餐後大概5分鐘左右便送餐，急不及待先試啖湯，湯底超濃郁，牛味十足。而麵條彈牙軟硬適中，有獨特麵香。配上大量蔥及芫茜，大大提醒香味。紅燒牛肉牛筋，夠淋但我不散，入口香濃。《瘋狂肥腸麵》小辣，加$8配冰糖雪梨汁，升級小食《夫妻肺片》。肥腸咬落軟綿甘香，但又不會滿口油脂。今次挑戰了加辣加麻，食到爆汗，但又過癮非常。整體來說，由湯底到麵、牛肉、牛腸，都烹調很好。食過一定吾會失望，令人會翻尋味。晚市更有《瘋狂缽缽雞套餐》供，有機會一定要去再試。