和牛割烹小田

Open Now

Now Closed

慶祝媽媽生日，我哋一家人去《和牛割烹小田》食Dinner Omakase，有六道菜，每道菜都食得好唔错！一個人 $980🍱，每道菜都有佢嘅特别，好豐富，食完好飽。小田和牛壽喜燒配日本第一Kodawari蛋🍳，肉質香嫩味道好好，食落非常滑口，又叫人好有滿足感。再配埋Kodawari蛋，真真正正將好味帶黎，咬落去滋味立即四溢，入口即化！ 和牛壽司🍣，一切簡單得嚟又真材實料，超推介呢一款！壽司食落口感厚實滿足，再配埋味道好好嘅和牛，真係好食到爆！ 呢度嘅和牛果然非同凡響，跟住就黎個“小田和牛蘑菇松露魚子飯🥘”啦，食物層次分明，出奇滋味因為魚子加分！