ZENTRO (Closed)

馬友係其中一種我最愛吃嘅魚, 呢間位於威靈頓街嘅Zentro, 竟然將馬友製成一夜干！點可以唔嚟試下。自家製馬友一夜干$208原條馬友以備長炭燒烤, 焦香四溢。由於備長炭燃燒時火力均勻, 熱度夠高, 令魚肉燒起來唔會太乾, 魚皮又薄又脆, 內裏肉質依然細膩, 認真不錯。白鱔串燒$59啖啖肉嘅白鱔, 魚油豐富, 經高溫燒烤後香氣迫人, 簡單調味已經好好食。沙爹(豬牛雞) $98/半打沙爹串燒以鐵板上, 熱度十足, 三款肉之中雞肉肉質最柔軟, 蘸上一層厚厚沙嗲醬, 夠晒惹味。免治羊肉鷹嘴豆燉印度飯配雞蛋 $118印度飯混合免治羊肉同鷹嘴豆, 羊肉肉香均勻地滲進米飯之中, 加上軟綿綿嘅鷹嘴豆, 食落很有層次。套餐仲附送沙律、餐湯同飲品添。