泰紅泰國美食 (Closed)

行完mikiki搵野食～見到red Thai 環境不錯，睇落幾抵食，就入去試下～可能因為已經9點，無人等位，所以比左張大圓梳化枱我地～坐得好舒服～因為7點左右已經食咗少少野，唔算太餓，所以叫o左唔算多野～冬陰公～$6x 蚊但份量好少～都算幾香，辣味都夠，但覺得比較咸咖哩羊膝+烤薄餅雖然咖哩睇落紅卜卜好似好辣，但原來食落只係微辣，咖哩汁味道幾濃～配薄餅食一流羊膝肉有兩大舊～肉質夠淋～但唔會太老～份量都算多～唔錯糯米釀雞翼，烤得唔錯皮脆內嫩，不過可能雞翼比較細隻，所以得好少雞肉糯米如果硬身反少少，口感可能會更好～珍多冰只有綠色條，唔似其他舖頭有兩3種不同顏色最後終於到甜品啦～～之前見過好吸引～～今次終於叫到黎試～～就係脆雪山啦～真係好高～賣相非常吸引呢～原本入面會有椰絲，花生，沙糖同煉婚～不過我唔食椰絲所以叫佢走o左全餐食覺得最好食都係e個甜品餅皮好薄，超級脆，入面由花生粒，白沙糖同煉奶，平均撒上薄皮上～雖然好高，但其實食落唔覺，可能因為勁薄既關係～2個人食完野都重食得晒～對於鐘意食甜品既我黎講，太好食啦～今次埋單大約$3xx  ，都算抵食～下次可以再試下其他野食～但必定會再叫脆雪山～～