韓舍 (Closed)

好耐沒食過韓國燒烤了，心癢癢想去食，一人食就無咩興趣，就約朋友一齊去食。餐廳位於商廈內，每層樓都是不同類型的食肆，只要你喜歡，隨意都可找到一間。喜歡放題的我，當然是食的招積，座得舒適，呢間就是我地的選擇，難怪出左電梯，就見到唔少人坐在門口，等入場，餐廳佈置雅緻，乾淨俐落，坐得寬躺。侍應服務周到，我唔小心到瀉了醬油，即時過來幫手清埋，每用完一碟，都好快地收碟，確保檯面上沒有吃過食物留在檯面上。同時會有分段收費，以這個價錢$178+10%可食到種類繁多的食物，吸引了不少食客。甜品擺設都好有酒店感覺，蛋糕種類真係繁多，唔知食得邊樣，焦糖燉蛋，蛋香清甜，值得一試，凱薩沙律，有多種醬汁提供。壽司只得幾款選擇，甜蝦爽甜、墨魚爽口，有質感，鮮味。三文魚腩，肥美，魚油分佈均勻，厚切，爽彈，入口爽滑鮮甜。想唔到，連豬腳姜醋都有，都是我喜歡食的，但可惜，豬腳太腍、醋酸了點，姜太少搵唔到，唔夠熱。韓燒肉類都好多，已調味道，好入味，豬柳扒薄切，快燒熟，肉質有咬口，仲保留肉汁，有口感。餐廳內仲有好多食品，自製棉花糖、小丸子、炒雪糕、爆谷。清酒自飲區、熱好立克、美祿，汽水任飲。