全港首間中日融合廚師發辦，既有中菜嘅靈魂、技法、層次，又保留日式的節制與優雅。
每一道都係腦洞大開但又極具細節嘅創作！每個菜式都好有記憶點
🍢 ｜桑煮神奈川真蛸｜京都水茄子｜靜岡暮茄果凍
章魚煮到超級軟腍、入味到不得了～每一啖都滲出淡淡海味！ 配上酸酸地嘅茄果凍，清爽之餘仲幫你打開味蕾，一開場已經好驚喜👏
🦀 ｜大閘蟹配龍蝦高湯啫喱・即席噴茅台
時令大閘蟹混龍蝦高湯嘅鮮味， 再加上一層茅台香氣，好優雅地帶出蟹肉嘅甜、茅台嘅韻、高湯嘅醇
🐟 五點刺身
✅ 稻草燒香鰆魚 + 陳皮鹽→ 魚皮煎到超香脆，稻草嘅煙燻香氣同陳皮鹽嘅清香完美融合，味道層次分明，好細膩！
✅ 備長炭金目鯛→ 外層輕燒，魚肉保持嫩滑，炭香撲鼻，一入口就有一種日式純淨感。
✅ 熟成20日拖羅（兩部位）→ 油脂分佈完美，脂香濃郁；一件柔滑、另一件更厚實有口感，入口即溶，幸福感💯
✅ 鰻魚→ 火喉掌握得好準，外層焦香、內裡嫩滑，淡淡甜醬味中帶煙香。
🐚 ｜鮑・木の芽・冬瓜・一番出汁
鮑魚爽口彈牙，冬瓜吸滿 20年職人級鰹魚乾，即席刨製，可見匠心。熬出嘅高湯精華，濃郁的湯香滲入每個細胞，職人功架100分。
🦀 ｜松葉蟹燒賣・京都黑醋與柑橘細絲
外型似櫻花咁精緻🌸 一啖爆出松葉蟹鮮味，
黑醋同行柑橘絲完美平衡油脂感，酸香帶甜，好清新又唔膩，日式靈魂融合得恰到好處。
🦞 ｜宮保風新鮮龍蝦
龍蝦肉爽彈，宮保香氣惹味但唔會搶走海鮮鮮甜💥 辣而不猛、香而不膩，好似「中菜魂」加上「日式節制」， 呢一道真係食到停唔到口！
🕊️ ｜椒麻乳鴿
乳鴿皮煎得香脆，肉汁鎖實，
椒麻香勁而不嗆，尾韻柔和帶熱力，一口落去，滿嘴香麻回韻久久唔散！
🍣 ｜壽司五貫
目一鯛柔軟細緻、白魷魚爽滑彈牙、秋刀魚油香四溢、 備長炭燒高部魚香氣迷人、北海道海膽入口即化。每一貫都係細味職人「火候與刀工」嘅極致美學。
🐟 ｜北海道喜之次配酸湯汁
靈感來自「酸菜魚」但風格完全日系，
魚皮煎得香脆，肉嫩滑潤， 酸湯酸中帶鮮，好醒胃好特別，一試難忘！
🍵 ｜青嵐抹茶手打擔擔麵
綠茶香氣撲鼻，麵條彈牙得嚟又掛湯， 擔擔醬嘅麻與辣完美平衡， 中日 crossover 玩味滿分！
🌿 ｜大和蜆味噌汁
蜆肉鮮甜、湯底柔和暖胃，
係整場體驗嘅完美結尾～
